إعمل ملاك ... وأنا بتفرج عليك ...!!!

مش صعب على اي بني آدم أنه يعمل ملاك

مش صعب على حد يبكي دموع تماسيح..

سهـــــــــل أوي أن حد ينزل من نظرك..

سهــــــــــــــل جداً انك تغير فكرتك عن حد في لحظه ..

الأصعب أن المسرحيه اللي فيها الشخص ده بيعمل انه ملاك تبقي انت من المشاهدين ومن المضطرين أنك تصقفله بحراره ..

الأصعب أنك تمسح دموع .. أسمها دموع تماسيح ..

من المستحيل انك تثق في شخص نزل من نظرك

ومن المستحيل انك تحبه بعد ما فكرتك عنه تتغير

أشخــــــــــاص عايشين ورا شاشه تليفزيون ..

بيقولوا كتير

بيقولوا فلسطـــين أرضنا .. وأحنا نصقف

وتاني يوم يدمروها..

بيقولوا لبنــــــــان دي قطعه من القمر .. ونبكي علي دموعهم

وتاني يوم بيخربوها ..

عارف البيت ؟

لما يبقي عالي أوي

وييجي في لحظه ينهار ؟

هو ده البني آدم ورا شاشه ..

بني آدم ورا قناع ..

أول ما بيخلعه في عينك بينهار ..

بس تعرف مش ده الصعب ..

الأصعب أنك تبقي واقف ساعه اللإنهيار

أنك تكون أول واحد يشهد لحظه سقوط بني آدم عاش طول عمره أسطوره في نظرك .

بني آدم ورا راديو ..

بيبكي أوي وانت سامعه وهو بيتشحتف ..

سهل أوي تصدقه ..

وسهل برضه لما تكتشف انه مخادع تكدبه ..

بس عارف يوم ما تضطر تشوفه وجهاً لوجه وهو بيبكي نفس الدموع اللي انت متأكد انها مزيفه

وتضطر بايدك تمسحها ..

هو ده الأصعب

..

لما بتضطر تعمل حاجه غصب عنك وترجع تدور على السبب

دايماً هتلاقي في صعب وفيه أصعب

فبتضطر تختار الصعب ... علشان مش هتتحمل الأصعب

بالظبط زي ما صعب انك تعاشر كداب .. .

زي ما الأصعب انك تسمع كدبه وتصقفله عليه ...

ومستحيل تفارقه ...

فبتختار انك تعاشره ...

ومش هنقول هي دي الحياه ...

لا هنقول هما دول البشر ..

.

بالظبط زي ما صعب انك تعاشر كداب .. .

زي ما الأصعب انك تسمع كدبه وتصقفله عليه ...

هما دول البشر
فعلا شىء صعب جدا أنا عن نفسى مش أتحمل كده خالص
مقدرش على معاشرة إنسان كذاب أبدا
الحمد لله الذى عفنا من الكذب
موضوع روعه ياميرو
بارك الله فيكى

بنجد في النفوس دي متعه وغريزه بشعه وهما مبسوطين انهم بيكدبوا علي حد وكانهم خدعوك بذكاء الكداب ...

لكنه ذكاء مقنع لان من ابسط الاشياء ان الكداب يعتقد انه ذكي جدا وهو علي العكس لانه اغبي مما يتخيل ...

الانسان الكداب ضعيف ... جبان ... لانه لو واثق من نفسه وعلي درايه تامه باتجاهاته واساليبه انها علي حق مايكدب لمره واحده ...

وفعلا الواحد صعب يتعامل مع انسان كداب ... صعب جدا ... شيء لايحتمل انا جربته ياموني مع شخص وكان مقرب

لقلبي جدا ... ربنا مايوقعنا مع حد كداب وميرسي علي مرورك يا قمرايه ...

اللة علبكى يا ميرو بجد الموضوع جااااااااااااامد

الله عليك انت ياسمسم انك قرأت الموضوع لانه فعلا جميل وميرسي لذوقك ...

لا دة شكرك دة واجبنا واحنا ربنا بيحبنا ان انتى موجودة معنا فى المنتدى

ميرسي مش بقولك انت كلك ذوق ... ربنا يبارك فيك ... وامانه عليك تسلم علي حماده وتطمنا عليه ...

شكرا دة من ذوقك

ياريت يا إسلام تحاول تطمنا
على حماده أخباره أيه وهو فى الجيش
لو بيتصل بيك

ايوة بقولى هينزل 23/10 انشا اللة

طمنتنا ربنا يبارك فيك يإسلام
وسلملى عليه لما تكلمه وقوله
مونيكا بتقولك خد باللك من نفسك
واتغطه كويس علشان الجو برد
ولو مش فى عندك غطاء كويش تبعتلك غطاء
بس أنت قول طريقة التوصيل إزيه وإحنا بندعيلك
ربنا يرجعك لينا بالسلامه

هو بقى قويس واستقر ومع غطاء وهينزل 23/10

هو مهاجر يا مون ايه ده اللى انتى بتقوليه ده

جميل يابيور

فعلا اصعب حاجه انك تعاشر انسان(هوكتير عليه كلمه انسان)كداب وخداع وحياته عباره عن شويه مسرحيات على مسلسلات وعلى الوش افــــلام
فعلا صعب وعن تجربه

وحياته عباره عن شويه مسرحيات على مسلسلات وعلى الوش افــــلام

حلوة اوى على فكره الجمله دى يا توته

كلامك مظبوط ياتوته هو كوكتيل كذب علي تمثيل ... ولا يستحق كلمة انسان

زي اللي بيوهم حد انه محترم جدا وهو علي العكس نهائي ... ولما تقفشيه يقولك انا لا اكذب ولكني اتجمل يعني
فاضله قلم روج واحمر خدود ويبقي مسخ .................. لا اله الا الله

فعلا انا معاكى فى الكلام دة

الصح مايختلف عليه اثنين ...