حد يعرف أيه الكلام ده ؟؟؟؟؟؟

الشمس راجعة بضيّها متشوقة ليوم الوصول ,, يا حبيبتى هتروق السما مهما سنين الغيم تطول
ف متبيعيش ورق الهوى ,, متبدليش زمن الأصول !! جاية الليالى الطيّبة أرمى الهموم وأتبسّمى
فى سنين زمانك قلّبى وسط الدفاتر فتّشى ,, وأتكحلّى بحبر القلوب خلّى المطابع تنتشى
مدام يكون حلمك أصيل تلاقيه لقدامك مشى
ومتكتبيش غير غنوتك,, وبطمى نيلك وأرسمى ,, بين النخيل شدّى الوتر ولبكرة غنّى وقسّمى
جاية الليالى الطيبة ,,,,,,,,,,, جاية الليالى الطيبة
بين النخيل شدى الوتر ولبكرة غنى وقسمى

جميل ياقمح وياسمين بس ياريت تفهمنا ... ممكن ؟؟؟

العزيزة بيورلاف : رجعى صورتك القديمة وأنا أقولك ,,, وبعدين مفيش حد على الأقل له تعليق ؟؟ كلة عاوز الأمور سهلة ومتفسرة ؟؟

والله انا كنت فاهمه الكلام لكن لما بصيت للعنوان حسيت انه غير مافهمت ... وشوفت رد قماح قلت يعني
هو انا علامه علشان افهم لوحدي ههههههههههههههههه...

بس هو الكلام جميل جدا واحساسه اجمل ولما يغنيه منير بصوته وباحساسه اكيد هيكون اجمل واجمل ...فهمنا بطريقتك انت بقي ياعم قمح وياسمين ...

بيور ,, أولآ لو كل الناس ذيك كانت بقت الدنيا راقية ومتحضرة بس مين اللى قال أن دى أغنية لمنير ؟؟ ولا أنتى بتوقعينى عشان عارفة جنونى بية ؟؟ الفكرة أنى كنت متخيل الناس هتقرا المكتوب وتدور على المقصود أو المقصودة منة ,, هتدور على المعنى والقيمة لأنى مش بكتب نكت ولا كلام فاضى !!!!!!!!!!!! دى رسالة ومعناها جميل وأصيل ولما تقريها تانى أنا عارف أنك هتفهميها وتحسيها,,,, وعمومآ دى أصلآ .................... أقولك الحلقة القادمة بقى

علي فكره ياقمح انا ماقلتش انها اغنيه لمنير لكن قلت لما منير يغنيها بصوته هتكون اجمل واجمل ...

وخلي بالك ان معظم الاعضاء غير متواجدين لظروف علشان كده مافي حد دخل وعلق عليها وعموما بلاش تجاوب لغايه
لما الاعضاء كلهم يكونوا متواجدين ونشوف رأيهم ايه في الكلمات الجميله دي ... وايه المقصود منها ...

اكيد كلنا منتظرين نشوف رد باقي الاعضاء علشان قمح وياسمين يرد ويعرفنا وجايز حد من الاعضاء يفهمنا قبله ...

اهو منتظرين ... ومنتظرين ... يااعضاء المنتدي ارجعوا بقي زهقتوووووووووووووووووووووووووووني

ياجيتس انت فين انت اكيد ممكن تعرف معني الكلام والمقصود منه ياريت تدخل وترد علينا ...

يا مونيكا انتي ويوسا فينكم ...

اولا : انا عاوز اقول لكل الاعضاء الى غبت عنهم كتير اوى ( وحشتونى كتــــــــير )
ثانيا : بالنسبة للكلام دة: الى فهمتة (معنى مش عارف صح او غلط بس اهة )
ان زى ميكون واحد بيقول الكلام دة لانسان مخنوق من حياتة او واحدة بيحبها ومخنوقة منة ههههه
انا مش عاوز ادخل فى الادب وقول كناية والحاجات الملعبكة دى ههههه بس ياريت الى فاهم يفهمنا
وبيتهيقلى لو فهمناها من صاحب الموضوع يبقى افضل؟ (الا اذا كان هو مش عارف كمان !! تبقى نصيبة )ههه

حمدلله علي سلامتك ياكابو ووحشت كل الاعضاء ...

اكيد صاحب الموضوع هيرد ويقول ويعرفنها ويفهمنا بس لما يحن علينا ويدخل المنتدي ...

ولما باقي الاعضاء يقولوا رأيهم ...

وانتو كمان والله يا بيور!! وحشتونى اوى
انا على فكرة كنت مفتقد لمواضيعك انتى ويوسا ومونيكا وجيتس وابو كمال
بس الى انا شايفة ان فى اعضاء كتير جداد ياريت يكونو على قد كفاءتكم

الحمدلله ومنهم اللي اعلي كفاءه في العقل والفهم والادراك ... وياريت نتعلم منهم ويتعلموا منا ...
ومهما كبرنا كل يوم وكل لحظه بنتعلم جديد ...

انا قولت انتى مشكلة؟؟
عارفة بيطلع منك كلام حكم ههههه بجد والله