ظاهرة الموديل المحجبة .. يعنى ايه ؟ و ايه هدفها ؟

لاحظت ظاهرة غريبة عمالة بتزيد كل يوم و هى الموديل المحجبة

يعنى ايه الكلمة دى ؟ و ايه الهدف منها ؟ ازاى الحجاب يبقى الهدف منه هو العرض و المنظرة و التباهى بالشياكة و الجمال اكتر من ان يكون الهدف منه هدف دينى و اسلامى ؟

لاحظت فى الفترة الاخيرة ان مواضيع كتير معمولة اوى على نظام الموديل المحجبات و صورهم منتشرة بشكل غريب

المواضيع دى فيها كم كبير من الولاد و كلهم بيبدوا تعليقهم و اعجابهم بيها و بجمالها و شياكتها و الستايل بتاعها

فى منتديات كتير مفتوحة للتجميل . ميك اب و ربطات حجاب جديدة و غيره

و فى فيديوهات بتعلم البنات ازاى تربط الربطات الاسبانش و غيرها .. و ازاى تعمل ميك اب يظهرها حلوة و احلى من غيرها

من كتر المواضيع الى بالشكل ده بجد حسيت ان كل اهتمام البنات بقى هو ازاى شكلها يبقى احلى و ازاى تلبس اشيك و ازاى تعمل ربطات جديدة تلفت الانظار . ازاى جسمها يبقى حلو و ينفع تبقى موديل . بنات كتير كنت بشوفها بتكتب للموديل و تطلب منها انها تشغلها معاها . يعنى بنات كتير نفسها تبقى زيها و حاسين ان ده هدف و طموح عايزين يوصلوا ليه .

لاحظت ان البنات المحجبات و اولهم الموديل بتبقى فرحانة ان فى ولاد بتعلق عليها . بتبقى متصورة بطريقة تبين اد ايه جسمها مظبوط و طولها حلو و شكلها جميل

طيب وسط كل ده فين الحجاب ؟؟ الحجاب تاه وسط ده كله

مبقاش حجاب بمعناه الحقيقى

مبقاش بيستر البنت و يساعد على غض البصر زى ما ربنا امر

ده بقى بيشجع الناس انها تنبهر بالمحجبة و بجمالها . انهم يحسوا ان المحجبة دى لسة حلوة و يمكن احلى من الى متحجبتش

بس الواقع انها فعلا متحجبتش
هى كده مش محجبة .. هى عملت شكل جديد .. لكن مش حجاب

يا ترى الظاهرة دى حاجة حلوة ؟ و نتمنى انها تزيد اكتر والا تقل ؟؟

يا ترى كده احنا بنحافظ على الحجاب والا بنقلل من قيمته و بنشوه صورته ؟؟

انا عايز اعرف راى كل الناس

مشكور يا قماح على موضوعك بجد اكثر من رائع

اصل احنا ياقماح وللأسف بقينا مجتمع سطحي هايف
معنديش اجابه غير دي

وتسلم عالموضوع الجميل

تسلم يا قماح على الموضوع الهايل