لعبـة: جـاوب بــ نعـم او لا فقط

السلام عليكم

عندي لعبه وإن شاء الله تعجبكم

وهي:

اي واحد يدخل هذي اللعبه :

يسأل سؤال محرج ,, او أي سؤال يخطر على باله

بشرط يكون جواب السؤال نعم أو لا !!

ولاينسى اللي يكتب الجواب يحط سؤاله

ولما توافقوا ابقوا سيبوا السؤال اوكى

اشمعنا سؤال محرج ؟؟؟؟

لأ احنا ممكن نمشيها اسئله عاديه

السؤال :

هل انت راض عن نفسك؟؟

طبعا السؤال عام .. واللي يجاوب يكتب سؤاله

انا بالنسبه ليا مش فى كل الاحوال ببقى راضى عن نفسى بمعنى اخر يعنى لما بعمل حاجه مفيده او كويسه ببقى راضى عن نفسى وطول منا قاعد مش بعمل حاجه فطبيعى مش ببقى راضى عن نفسى

اما بقى بالنسبه للسؤال فهو

هل انت بتصلى ؟ لو بتصلى قول بتصلى ليه ؟ولو مش بتصلى قول برضه ليه مش بتصلى ؟

وشكرا يا يوسا على الرد بس يارب باقى الاعضاء يشاركوا

اجاوب على سؤال يوسه مش في كل الاوقات بكون راضيه عن نفسي لما بعمل الي عليا ببقى راضيه عن نفسي
اما سؤال قماح انا الحمد لله بصلي وربنا يديمها عليا نعمه بصلي عشان اولا ربنا امرنا بالصلاه وفعلا في فرق كبير بين الراحه النفسيه للشخص الي بيصلي والي مبيصليش
سؤالي انا بقى هل ترى نفسك شخص ناجح او انك لاستكون شخص ناجح؟؟

برضه يا سوما مش فى كل الاحوال لما حد بيشيد بيا فى الشغل وبيعجبه شغلى وبيقولى بالطريقه دى ببقى ناجح والعكس صحيح لما يكون حد مش عاجبه شغلى وماعملتش شغلى على اكمل وجه بحس انى انا فاشل وعمرى ما هابقى ناجح

اما بقى بالنسبه للسؤال هو تفتكرى ليه ربنا اصلا فارض الصلاه على الانسان ؟

الأسباب كتيره ياقماح

هذكرلك منها سببين
منها .. ان الصلاه تنهى عن الفحشاء والمنكر.. يعني انت لو بتعمل ذنوب كبيره او بتعصي ربنا كتير .. مش هتقدر تقف بين ايديه وتقول الله اكبر

ولو صليت وعارف انك هترجع تقف بين ايدين ربك تاني بعد كام ساعه .. هتخجل انك تعمل معصيه
ده معنى انها تنهى عن الفحشاء والمنكر

ثانيا ليها فايده مهمه جدااا نبهنا ليها الرسول عليه الصلاة والسلام
ان الصلاه تغسل ذنوب الانسان في كل فرض
تخيل انت بتغسل ذنوبك خمس مرات في اليوم ؟؟
ايه هيكون حالك ؟؟
بيدل على ده حديث الرسول عليه الصلاة والسلام(أرأيتم لو أن بباب أحدكم نهراً يغتسل فيه كل يوم خمس مرات، هل يبقى من درنه شيءٌ؟) أي: هل يبقى بعد ذلك على جسده من الأوساخ والقاذورات شيء (قالوا: لا يبقى من درنه شيء يا رسول الله، فقال صلى الله عليه وسلم: فذلك مثل الصلوات الخمس، يمحو الله بهن الخطايا)

مش عاوزه اطول عليك
بس ده ابسط شيء ممكن يتقال عن الصلاه
ومننساش اهم حاجه انها صله بين العبد وربه
استشعر انت معنى ان يبقى فيه وسيلة اتصال مباشره بينك وبين ربك وتقدر انك تقوله من خلالها اللي انت عاوزه
وفيه وعد منه بإجابة دعائك ليه في الصلاه لو ناجيته وطلبت منه اي شيء
تخيلها دي كويس هتحس بقيمه كبيره أوي

عاوزه اقولك حاجه بعيد عن موضوع الصلاه
متخليش احساسك بالنجاح أو الفشل يتوقف على رأي الآخرين
لأن عمرك ماهتلاقي الآخرين كلهم بيشيدوا بنجاحك دايما

وفين السؤال اللي اجابته نعم او لا؟؟؟

هههههههههههههههههههههههههههههههه مش عارف

بـــرافــو عليكى يايوسا
هى ديه تربيتى هوده التوضيح ولا بلاش
جزاكى الله خيرا على الرد الواضح
وأنا بقه فى إنتظار السؤال الاإجابته نعم أو لا

انتى بتضحكى علينا يامونيكا ولا ايه فين سؤالك ولا انتى بتتفرجى بس

ماهو حق المسلم على أخيه المسلم

ايه حق المسلم على اخيه المسلم ايه انه يتفرج عليه بس مايشاركش